ऑनलाईन टीम / मुंबई :
एसटी महामंडळाचे राज्य शासनामध्ये विलिनीकरण व्हावे, यासाठी एसटी कर्मचाऱ्यांचे 20 दिवसांपासून आंदोलन सुरू आहे. त्यावर तोडगा निघत नसल्याने या मुद्यावर चर्चा करण्यासाठी राष्ट्रवादी काँग्रेसचे अध्यक्ष शरद पवार, परिवहन मंत्री अनिल परब यांच्यात वरळीतील एका हॉटेलमध्ये गोपनीय बैठक सुरू असल्याचे सांगण्यात येते.
एसटी कर्मचारी महामंडळाचे राज्य शासनामध्ये विलिनीकरण व्हावे या मागणीवर ठाम आहेत. त्यामुळे या मागणीवर चर्चा करण्यासाठी उच्च न्यायालयाच्या आदेशानुसार राज्य सरकारनं समिती नेमली आहे. समितीच्या अहवालानुसार निर्णय घेऊ, असे परिवहन मंत्री अनिल परब यांनी यापूर्वी स्पष्ट केले आहे. मात्र, तरीही एसटी कर्मचाऱ्यांकडून आंदोलन मागे घेतले जात नसल्याने पेच वाढला आहे. या पार्श्वभूमीवर शरद पवार आणि अनिल परब यांच्यात बैठक सुरू असल्याचे समजते.