प्रतिनिधी / कोल्हापूर
एसटी महामंडळाच्या कोल्हापूर विभागीय कार्यालयामध्ये सलग दुसऱया दिवशी एक महिला कोरोना पॉझिटिव्ह आढळली आहे. गेल्या तीन दिवसांपूर्वी विभागीय कार्यालयातील वाहतूक विभागात काम करणारा लिपिक कोरोना पॉझिटिव्ह आला होता. त्यामुळे त्यांना तातडीने शासकीय रुग्णालयात उपचारासाठी दाखल करण्यात आले. त्यामुळे एसटी विभगीय कार्यालयातील कर्मचाऱयांचे धाबे दणाणले आहे. या विभागातील जवळपास 16 व्यक्तींची तपासणी झाली आहे. त्या सर्वांना क्वारंटाईन करण्यात आले आहे.