वृत्तसंस्था/ चेन्नाई
8 सप्टेंबरपासून येथे सुरू होणाऱया दुसऱया ऑनलाईन फिडे ऑलिंपायाड बुद्धिबळ स्पर्धेत भारताचा ब गटात समावेश करण्यात आला आहे.
गेल्यावर्षी झालेल्या या स्पर्धेत भारत संयुक्त विजेता संघ ठरला होता.
यावेळी या स्पर्धेत भारताचा ब गटात समावेश करण्यात आला असून शेनझेन चायना, माल्डोव्हा,स्लोव्हेनिया, इजिप्त, स्वीडन आणि हंगेरी यांचाही सहभाग आहे. या स्पर्धेत विविध संघ चार गटामध्ये विभागण्यात आले असून प्रत्येक विभागातील पहिले दोन संघ प्ले ऑफ गटात प्रवेश करतील. या स्पर्धेत टॉप डिव्हिजनमध्ये प्रत्येक गटातील पहिले दोन संघ प्ले ऑफ गटात स्थान मिळवितील. या स्पर्धेत एकूण 15 संघ दुसऱया विभागातून टॉप डिव्हिजनमध्ये दाखल झाले आहेत. आता टॉप डिव्हिजनमध्ये रशिया, अमेरिका, चीन, भारत यांच्यासह 25 संघांचा समावेश आहे. सदर स्पर्धा येथील एका पंचतांराकित हॉटेलमध्ये सुरू होणार आहे.