चार दिवसांत केवळ 2857 जणांनी घेतली लस
प्रतिनिधी/कोल्हापूर
महापालिकेने 18 वर्षावरील नागरिकांसाठी `ऑन दी स्पॉट’ विशेष लसीकरण मोहिम सुरू केली आहे. या मोहिमेकडे नागरिकांनी पाठ फिरवली आहे. या गटात तब्बल 2 लाख नागरिकांनी लस घेतलेली नाही. असे असताना चार दिवसांत विशेष लसीकरण केवळ 2 हजार 857 नागरिकांनी या माध्यमातून लस घेतली आहे. आज, शुक्रवारी मोहिमेचा अंतिम दिवस आहे.
तिसऱया लाटेचा धोका वर्तवला जात असल्याने महापालिकेने लसीकरण मोहिम गतीने होण्यासाठी प्रयत्न सुरू केले आहेत. गेल्या 15 दिवसांत पुरेशा प्रमाणात लस उपलब्ध असूनही नागरिक लसीकरणासाठी येत नाहीत. 18 ते 44 वर्षातील लसीकरणाचे प्रमाण केवळ 17 टक्केच झाले आहे. त्यांचे लसीकरण होण्यासाठी ऑनलाईन बुकींग ऐवजी ऑन दि स्पॉट लस देण्याचा विशेष लसीकरण शिबिर सुरू केले. 20 ते 24 असे पाच दिवस विशेष लसीकरण माहिम आहे. यामध्ये पहिल्या दिवशी 2739, दुसऱ्या दिवशी 65, तिसऱया दिवशी 9 तर चौथ्या दिवशी 54 नागरिकांचे लसीकरण झाले.
दिवसभरात 3087 जणांना लस
शहरात गुरुवारी 3 हजार 87 नागरीकांना कोव्हिशिल्डची लस देण्यात आली. लसीकरण करण्यात आले. यामध्ये 18 ते 45 वर्षापर्यंत 2 हजार 344 तर 45 ते 60 वर्षापर्यंत 513 नागरीकांचा समावेश आहे. तसेच 18 वर्षावरील विशेष लसीकरण मोहिमेअंतर्गत गुरुवारी 54 नागरीकांचे लसीकरण करण्यात आले. यामध्येही 5 नागरीकांना पहिला तर 49 नागरीकांना दुसरा डोस घेतला.