गुलबर्गा/प्रतिनिधी
ऑलिम्पियन फुटबॉलपटू आणि फिफाचे आंतरराष्ट्रीय रेफरी सय्यद शाहिद हकीम यांचे रविवारी सकाळी कर्नाटकातील गुलबर्गा येथील एका खासगी रुग्णालयात निधन झाले. ते ८२ वर्षांचे होते आणि त्यांच्या पश्चात पत्नी आणि दोन मुली आहेत. हकीम साब म्हणून प्रसिद्ध होते. ते १९६० च्या रोम ऑलिम्पिकमध्ये भारतीय संघाचे सदस्य होते.
ऑलिम्पियन फुटबॉलपटू एस. एस. हकीम हे फिफाचे आंतरराष्ट्रीय रेफरी देखील होते. तसेच त्यांनी दोहा येथे एएफसी एशियन कप १९८८ मध्ये अनेक सामन्यांचे पर्यवेक्षण देखील केले होते.