वृत्तसंस्था/ मुंबई
17 ऑक्टोबर ते 14 नोव्हेंबर दरम्यान ओमान आणि संयुक्त अरब अमिरात येथे होणाऱया आयसीसीच्या आगामी विश्वचषक टी-20 स्पर्धेपूवीं ओमान क्रिकेट मंडळाने मुंबईला काही सामने खेळण्यासाठी निमंत्रण दिले आहे.
ओमान क्रिकेट संघटनेचे वरिष्ठ अधिकारी लंकेचे दुलीप मेंडीस यांनी मुंबई क्रिकेट संघटनेशी संपर्क साधून मुंबईचा संघ अरब राष्ट्रांमध्ये काही सामने खेळण्यासाठी पाठविण्याचा प्रस्ताव मांडला आहे. ओमानच्या राष्ट्रीय संघाला अधिक सराव मिळावा यासाठी हे सामने आयोजित करण्याचा ओमान क्रिकेट संघटनेचा उद्देश आहे.