कबनूर / प्रतिनिधी
येथील कबनूर हायस्कूलकडे जाणाऱ्या रस्त्यालगत असलेल्या तिरंगा कॉलनी परिसरात एका 21 वर्षीय युवकासह दोघांना कोरोना झाल्याचे निष्पन्न झाले आहे.
येथील बाजार कट्टा लगत असलेल्या परिसरातील एक 65 वर्षीय महिला शिये गावाला गेल्या होत्या. त्या परत आल्यानंतर इचलकंजी येथील आयजीएममध्ये तपासणीसाठी घेऊन गेले असता ही महिला कोरोना बाधित असल्याचे आढळून आले. तसेच तिरंगा कॉलनी गल्ली नंबर 5 मधील 21 वर्षीय युवकाने स्वतःहून आयजीएममध्ये तपासणी करून घेण्यासाठी गेले असता तो ही पॉझिटिव्ह असल्याचे निष्पन्न झाले. एकंदरीत गावातील एकूण कोरोना बाधित संख्या एकोणीस वर पोहोचली आहे. या दोन्ही भागांमध्ये रूग्ण आढळून आल्यानंतर कबनूर ग्रामपंचायतीच्या वतीने दोन्ही भाग सील करून कबनूर तिच्या तो भाग निर्जंतुकीकरण केला आहे.