इचलकरंजी / प्रतिनिधी
अवैधपणे देशी- विदेशी दारुचा साठा केल्याप्रकरणी कबनूर ( ता. हातकणंगले) येथील हॉटेल चेक दे वर राज्य उत्पादन शुल्क इचलकरंजीच्या पथकाने बुधवारी दुपारी छापा टाकला. या छाप्यात देशी- विदेशी दारूचा साठा जप्त करीत, हॉटेल मालकाला ताब्यात घेतले. ही कारवाई राज्य उत्पादन शुल्क कोल्हापूर विभागाचे उपायुक्त वाय. एम पोवार, अधीक्षक रविंद्र आवळे यांच्या मार्गदर्शनाखाली राज्य उत्पादन शुल्क विभाग इचलकरंजीचे निरीक्षक पांडूरंग पाटील, दुय्यम निरीक्षक वर्षा पाटील, राहुल गुरव, कॉन्स्टेबल शिव लिंगकट्टे, सागर नागटिळे, संदीप माने, प्रदीप गुरव आदीनी केली.