प्रतिनिधी / करमाळे
करमाळे ता. शिराळा येथील शेतकरी मधुकर यादव यांच्या गाभण शेळीवर रात्री बिबट्याने हल्ला केला. या हल्ल्यात शेळीच्या मृत्यू झाला. यामुळे त्यांचे अदांजे १२ ते १५ हजाराचे नुकसान झाले आहे. शनिवारी रात्री ९.४५ ला करमाळे येथील यादव मळ्यात मधुकर यादव यांचे घर आहे.
घराशेजारीच असलेल्या शेडमध्ये शेळी बांधली होती. रात्री अचानक वासरू ओरडल्याने ते घरातून बाहेर आले असता बिबट्या शेळीच्या अंगावर बसला होता व गळ्याजवळ पकडून ठेवले होते. आरडाओरडा केल्यानंतर बिबट्या पळून गेला. काही वेळाने शेळी मृत्यूमुखी पडली. या घटनेमुळे परिसरात भीतीचे वातावरण आहे.