लोणंद प्रतिनिधी
कराडवाडी ता. खंडाळा गावच्या हद्दीत 40 ते 45 वयोगटातील अनोळखी स्त्रीचा मृतदेह सडलेल्या अवस्थेत आढळला असून या घटनेची नोंद लोणंद पोलीस स्टेशन मध्ये करण्यात आले आहे.
याबाबत लोणंद पोलीस स्टेशन मिळालेली अधिक माहिती अशी की कराड वाडी तालुका खंडाळा गावच्या हद्दीत मंगळवारी दुपारी अडीचच्या सुमारास वनविभाग हद्दीत अंदाजे 40 ते 45 वयोगटातील स्त्रीचा अनोळखी मृतदेह आढळला असून मृतदेहाच्या अंगावर तांबड्या रंगाची साडी आहे. ही घटना अंदाजे आठ दिवसापूर्वी घडल्याची शक्यता आहे. घटनास्थळी लोणंदचे सहाय्यक पोलीस निरीक्षक विशाल वायकर यांनी घटनास्थळी पाहणी केली. यावेळी पोलीस कर्मचारी महेश सपकाळ विठ्ठल काळे, विष्णू धुमाळ, अमोल पवार, फैयाज शेख, शिवशंकर तोटेवाड, बी.डी.प्रिया नरोटे, मेघा ननावरे यांनी या घटनेचा पंचनामा केला आहे. या मृतदेहबाबत कोणास काही माहीत असल्यास लोणंद पोलीस स्टेशनची संपर्क साधावा