परळी/प्रतिनिधी
मंत्री धनंजय मुंडे यांच्यावर बेछूट आरोप करणाऱ्या कथित करुणा शर्मा यांचा ५ सप्टेंबर रोजीचा परळी दौरा वादग्रस्त ठरला. त्यांनी शहरात प्रवेश करताच धनंजय मुंडे समर्थकांनी विरोधात घोषणाबाजी करून त्यांना घेराव घालण्याचा प्रयत्न केला. पोलीस संरक्षणात करुणा शर्मा यांनी वैद्यनाथ मंदिरात जाऊन दर्शन घेतले. दरम्यान, त्यांच्या गाडीत पिस्तूल आढळल्याने खळबळ उडाली. यांनतर करुणा शर्मा यांना पोलिसांनी अटक केली. दरम्यान, बीडमधील अंबाजोगाई सत्र न्यायालयाने जातीवाचक शिवीगाळ आणि गाडीत पिस्तूल आढळल्याप्रकरणी करुणा शर्मा यांच्या न्यायालयीन कोठडीत आता वाढ केली आहे. १८ सप्टेंबरपर्यंत करुणा शर्मा या न्यायालयीत कोठडीत असणार आहेत.
५ सप्टेंबर रोजी करूणा शर्मा परळीत दाखल झाल्यानंतर त्यांच्या गाडीत पिस्तूल आढळल्याने, एकच खळबळ उडाली होती. पोलिसांनी त्यांना ताब्यात घेतलं होतं. त्यानंतर त्यांना अंबाजोगाई न्यायालयात हजर करण्यात आलं होतं.