बेंगळूर/प्रतिनिधी
एका आयपीएस अधिकाऱ्याचे नावे सोशल मीडिया फेसबुकवर बनावट अकाऊंट काढत त्याचा गैरवापर केल्याची घटना उघडकीस अली आहे. शनिवारी, बेंगळूरचे डीसीपी (पूर्वेकडील) एस. डी. शरणप्पा यांच्या बनावट फेसबुक अकाउंटवरुन आर्थिक मदतीसाठी अनेक लोकांना विनंत्या पाठवल्या गेल्या.
दरम्यान लोकांची फसवणूक होत असल्याची बाब लक्षात येताच हे फेक अकाउंट फेसबुकवरून काढून टाकण्यात आले. अशी माहिती डीसीपी शरणप्पा यांनी दिली. तसेच अद्याप गुन्हा नोंदवायचा बाकी आहे, परंतु खात्याचे स्थान उत्तर प्रदेशात सापडले आहे. अलीकडे राजस्थानमधील चार जणांना अटक करण्यात आली ज्यांनी १० पोलिसांच्या एफबी खात्यांची तोतयागिरी केली होती.