प्रतिनिधी / बेंगळूर
महामारी कोरोनाच्या विळख्यात अनेक लोकप्रतिनिधी देखील सापडत आहेत. आतापर्यंत अनेक आमदारांना कोरोना संसर्ग झाला आहे. आता त्यामध्ये पर्यटन मंत्री सी. टी. रवी यांची भर पडली आहे. कोरोनाची बाधा होणारे ते कर्नाटकातील पहिले मंत्री आहेत.
शनिवारी सी. टी. रवी यांनी आपल्याला कोरोनाची बाधा झाल्याची माहिती ट्विटरवर दिली आहे. आपल्यामध्ये कोरोनाची कोणतीही लक्षणे नाहीत. आपण सुखरुप आहे. सध्या आपण फार्महाऊसमध्ये होम क्वारंटाईन आहे, असेही त्यांनी सांगितले आहे. अलिकडेच माजी केंद्रीय मंत्री जनार्दन पुजारी, खासदार सुमलता अंबरिश, विधानपरिषद सदस्य पुट्टण्णा, एम. के. प्राणेश, आमदार डॉ. रंगनाथ, शरत बच्चेगौडा, टी. डी. राजेगौडा, अजय सिंग, प्रसाद अब्बय्या यांना काही दिवसांपूर्वी कोरोनाची बाधा झाली होती.