बेंगळूर/प्रतिनिधी
केंद्राकडून कर्नाटकला बुधवारी कोविशील्ड लसीचे २ लाख डोस मिळाल्याची माहिती राज्याचे आरोग्यमंत्री डॉ. के. सुधाकर यांनी दिली. लस आल्याने राज्याला काही अंशी दिलासा मिळाला आहे.
दरम्यान राज्यात लसीची कमतरता असल्याने लसीकरण संथ गतीने सुरु होते. आता राज्यात लस दाखल झाल्याने लसीकरणाला पुन्हा गती मिळेल. ज्या रुग्णांचा दुसरा डोस राहिला आहे त्यांना जलदगतीने लसीकरण केले जाणार आहे.
सुधाकर यांनी ट्विट केले की, “भारत सरकारकडून प्राप्त झालेल्या १,११,२४,४७० डोस व्यतिरिक्त उत्पादकांकडून थेट खरेदीचा एक भाग म्हणून आतापर्यंत राज्यात १०,९४,००० डोस (९,५०,००० कोविशील्ड आणि १,४४,००० कोव्हॅक्सिन) प्राप्त झाले आहेत.”