बेंगळूर/प्रतिनिधी
कर्नाटकच्या दोन मुलींनी भारतीय महिला एकदिवसीय आणि टी -२० संघात स्थान मिळविलं आहे. प्रत्युषा चळ्ळारू आणि मोनिका पटेल अशी भारतीय ज्येष्ठ महिला एकदिवसीय आणि टी-२० संघात प्रवेशकरणाऱ्या मुलींची नावे आहेत. दक्षिण आफ्रिकेबरोबर होणाऱ्या मालिकेसाठी या दोघींची भारतीय महिला संघात निवड झाली आहे. लखनऊमध्ये ७ ते २३ मार्च दरम्यान हे सामने होणार आहेत.
डावखुरी फिरकीपटू राजेश्वरी गायकवाड हिच्यासह भारतीय संघात कर्नाटकातील खेळाडूंची संख्या आता तीन झाली आहे. दरम्यान २२ सदस्यीय संघ पाच एकदिवसीय आणि तीन टी -२० सामने खेळणार आहे. एकदिवसीय संघाचे नेतृत्व अनुभवी मिताली राज करणार आहे. तर सलामीवीर हरमनप्रीत कौर टी -२० संघाचे नेतृत्व करणार आहे.