बेंगळूर/प्रतिनिधी
कर्नाटकमध्ये सोमवारी नवीन कोरोना रुग्णसंख्येत घट झली आहे. देशात तिसऱ्या लाटेचा अंदाज वर्तविला जात असताना नवीन कोरोना रुग्णसंख्येत घट होणे ही राज्यासाठी दिलासादायक बाब आहे. दरम्यान, सोमवारी राज्यात कोरोनाचे नवीन ९७३ रुग्ण सापडले तर १५ जणांचा मृत्यू झाला. तसेच १,३२४ रुग्ण कोरोनामुक्त होऊन रुग्णालयातून घरी परतले आहेत. सध्या सक्रिय रुग्णांची संख्या १८ हजार ३९२ आहे. तर सोमवारी दिवसासाठी सकारात्मकता दर ०.६४ टक्के होता, तर केस मृत्यू दर (सीएफआर) १.५४ टक्के होता.
राज्यात आतापर्यंत २९ लाख ४८ हजार २२८ जणांना कोरोनाची लागण झाली आहे. यापैकी २८ लाख ९२ हजार ५१७ रुग्ण बरे झाले आहेत. तर कोरोनामुळे ३७ हजार २९३ जणांचा मृत्यू झाला आहे, असे आरोग्य विभागाने सांगितले.
बेंगळूर शहरी जिल्ह्यात सोमवारी २६४ नवीन रुग्णांची नोंद झाली. याच वेळी २६१ रुग्ण कोरोनामुक्त होऊन रुग्णालयातून घरी परतले. तर तीन रुग्णांचा मृत्यू झाला.