काँग्रेसची स्वतंत्र लस खरेदीसाठी १०० कोटींची येजना
बेंगळूर/प्रतिनिधी
कर्नाटक प्रदेश कॉंग्रेस कमिटीने (केपीसीसी) शुक्रवारी जाहीर केले की राज्यात लस उत्पादकांकडून लस तयार करण्यासाठी थेट १०० कोटींची योजना तयार केली जाईल. पक्षाचे ज्येष्ठ नेते सिद्धरामय्या आणि प्रदेश काँग्रेसचे अध्यक्ष डी. के. शिवकुमार यांनी काँग्रेसने थेट लस खरेदीसाठी केंद्र आणि राज्य सरकारकडून परवानगी मागितली आहे.
कोरोना लस थेट उत्पादकांकडून मिळवून देण्यासाठी आणि ती कर्नाटकातील जनतेपर्यंत पोचवण्यासाठी १०० कोटींची योजना तयार केली आहे, असे केपीसीसीचे अध्यक्ष डी. के. शिवकुमार आणि माजी मुख्यमंत्री आणि विरोधी पक्षनेते सिद्धरामय्या यांनी सांगितले. ते आयोजित पत्रकार परिषदेत बोलत होते.
केंद्र आणि कर्नाटकातील भाजपा सरकारे जनतेला लस देण्यास एकत्रितपणे अपयशी ठरल्यामुळे आम्हाला स्वतः नागरिकांना लस उपलब्ध करून द्यायची आहे. आम्हाला फक्त दोन छोट्या परवानग्यांची आवश्यकता आहे, एक केंद्र सरकारची आणि एक राज्य सरकारची. भाजपला माझे आवाहन आहे की, यामध्ये राजकारण येऊ नये आणि आत्मनिभार भारत या भावनेने कॉंग्रेसला थेट लस घेण्याची परवानगी द्या, ”असे शिवकुमार म्हणाले.
शिवकुमार म्हणाले की, कर्नाटक कॉंग्रेस पार्टी कमिटी (केपीसीसी) फंडातून १० कोटी दिले जाईल. आणखी ९० कोटी रुपये कॉंग्रेसचे आमदार, एमएलसीच्या निधीतून जमा केले जातील.