बेंगळूर/प्रतिनिधी
कर्नाटक विधानसभेतील विरोधी पक्षनेते सिद्धरामय्या यांनी गुरुवारी राज्यातील येडियुरप्पा यांच्या नेतृत्त्वाखाली काम करणारे सरकार कोरोना साथीवर नियंत्रण मिळविण्यात आणि प्रभावीपणे यंत्रणा राबविण्यात अपयशी ठरल्याचे काँग्रेसचे नेते आणि विधानसभेतील विरोधी पक्ष नेते सिद्धरामय्या यांनी टीका केली आहे.
ट्वीटच्या माध्यमातून माजी मुख्यमंत्र्यांनी खासगी रुग्णालये बेड उपलब्ध असूनही रुग्णांसाठी बेड उपलब्ध करून देत नाहीत. तसेच उपचार शुल्क जास्त प्रमाणात आकारतात. सरकार त्यांचे नियमन लागू करण्यात अपयशी ठरले असे म्हंटले आहे.
त्यांनी पुढे राज्यातील कोरोना वाढीचे प्रमुख कारण म्हणजे सार्वजनिक आरोग्य सेवा प्रणालीची निराशाजनक स्थिती असल्याचे नमूद केले. राज्यात सुविधांचा अभाव असल्याने कोरोना रुग्णांची संख्या वाढत आहे. सरकारी रुग्णालयांवर लोकांचा विश्वास नाही आणि खासगी रुग्णालयांना पैसे देण्यास त्यांच्याकडे पैसे नाहीत. त्यामुळे त्यांची चाचणी व उपचार होत नाहीत, असे त्यांनी ट्विटमध्ये म्हटले आहे.