बेंगळूर/प्रतिनिधी
कर्नाटकमधील चिक्कमंगळूर जिल्ह्यातील उपनिबंधकांनी लाच मागितल्याच्या आरोपाखाली कर्नाटकचे महसूलमंत्री आर. अशोक यांच्या खाजगी सेक्रेटरीविरुध्द तक्रार दाखल केली आहे.
त्यांच्या तक्रारीत उपनिबंधक एच. एस. चाळूवराजू यांनी विधान सौध सचिवालय कार्यालयातील कर्मचारी आणि अशोक यांच्या वैयक्तिक सचिव गंगाधर यांनी रविवारी मंत्रीगणांच्या दौर्यावेळी त्यांच्याकडे पैशाची मागणी केली असल्याचे म्हंटले आहे.
शृंगेरी शहर पोलिसांनी सोमवारी अज्ञात तक्रार नोंदविली आणि एफआयआर नोंदविण्यासाठी सरकारची परवानगी घेणार असल्याचे सांगितले. चिक्कमंगळूरचे एसपी अक्षय मच्छिंद्र यांनी तक्रार आल्याची पुष्टी केली.