बेंगळूर/प्रतिनिधी
कर्नाटकात शुक्रवारी १,२२२ नवीन कोरोना रूग्णांची नोंद झाली आहे. तसेच १,०३९ रुग्ण कोरोनावर मात करत रुग्णालयातून घरी परतले. राज्यात सध्या १५,३८० रूग्णांवर उपचार सुरू आहेत. शुक्रवारी राज्यात ८ रुग्णांचा मृत्यू झाला आहे. कोविडमुळे राज्यात आतापर्यंत ११,९७९ रूग्णांचा मृत्यू झाला आहे.
राज्यात बेंगळूर शहरी जिल्ह्यात सर्वाधिक रुग्ण आहेत. जिल्ह्यात शुक्रवारी ६८७ रुग्णांची नोंद झाली आहे. बेंगळूरमध्ये सक्रिय प्रकरणांची संख्या १०,४७८ आहे. जिल्ह्यात शुक्रवारी ४४३ रुग्णांनी कोरोनावर विजय मिळविला आहे. तर ४ कोरोना बाधित रुग्णांचा मृत्यू झाला. आतापर्यंत ४,२५६ रुग्णांचा मृत्यू झाला आहे.