बेंगळूर/प्रतिनिधी
कर्नाटक मंगळवारी रात्रीपासून ‘क्लोज डाऊन’ झाले आहे. परिवहन विभागाच्या बसने किमान चार लाख लोकांनी बेंगळूर सोडले आहेआणि आणखी दोन लाख लोक अजूनही त्यांच्या गावी परत जाण्यासाठी विविध बसस्थानकांवर थांबले आहेत. परिवहन अधिकारी आणि पोलीस सतत लाऊडस्पीकर वापरुन कोरोना जनजागृती करण्यासाठी लोकांना मास्क लावण्यासाठी आणि सामाजिक अंतर कायम ठेवण्यासाठीसांगत आहेत.
लॉकडाऊन झाल्याने नागरीकांनी स्वतःचे हाल होऊ नये यासाठी शहर सोडणे पसंत केले आहे. लॉकडाऊन झाल्यांनतर बेंगळूरमध्ये असणाऱ्या पर राज्यातील नागरिकांनी आपापल्या गावी जाण्यासाठी बस स्थानकात गर्दी केली होती. दरम्यान केएसआरटीसीने बस स्थानकावर जमलेल्या नागरिकांना त्यांच्या गावी जाण्यासाठी बसेसची स्वतंत्र व्यवस्था केली आहे.