बेंगळूर/प्रतिनिधी
वयोवृद्धांच्या मासिक पेन्शन योजनेचा आधार ओळखपत्रांशी जोडल्यामुळे राज्यातील विविध जिल्ह्यांमध्ये या योजनेची १ लाख २० हजार बनावट खाती रद्द करण्यात आली आहेत. महसूलमंत्री आर. अशोक यांनी या विषयी माहिती दिली. त्यांनी अशा लोकांविरूद्ध कायदेशीर कारवाई करत त्यांच्याकडून आतापर्यंत भरलेली रक्कम वसूल करण्याच्या सूचना प्रशासनाला देण्यात आल्या आहेत.
अनेक लोकांनी एकाच नावाने वेगवेगळे पत्ते देऊन या योजनेद्वारे ४-५ ठिकाणी पेन्शन मिळवली आहे. अशा लोकांची यादी तयार करुन लवकरच या लोकांना नोटीस पाठविली जाईल, त्याचवेळी मृत व्यक्तीच्या नावेही पुष्कळ लोकांना अशी पेन्शन रक्कम मिळत होती ती आता बंद होणार आहे.
राज्य सरकार या योजनेवर वर्षाकाठी ७ हजार कोटी रुपये खर्च करत आहे. त्यामुळे ही योजना आता भ्रष्टाचारमुक्त करण्यासाठी आधार कार्डशी जोडली जाईल आणि आता ही रक्कम महसूल विभागातील कर्मचार्यांमार्फत घराघरात दिली जाईल. आता ही योजना दलालांपासून मुक्त ठेवण्यात येणार आहे.