बेंगळूर/प्रतिनिधी
कर्नाटकांत सोमवारी कोरोना बाधितांच्या संख्येत घाट झालेली पाहायला मिळाली. राज्यात सोमवारी ७,०५१ नवीन कोरोना बाधित रुग्णांची भर पडली. यासह, राज्यात संक्रमित लोकांची एकूण संख्या ६,४७,७१२ वर पोहोचली आहे. यापैकी ५,२२,८४६ रुग्णांनी कोरोनावर मात केली आहे. दरम्यान सोमवारी ७,०६४ रूग्णांना बरे झाल्याने डिस्चार्ज देण्यात आला. तर सध्या राज्यात १,१५,४७७ रुग्णांवर उपचार सुरू आहेत. आरोग्य विभागाने सोमवारी आणखी ८४ रुग्णांचा मृत्यू झाल्याचे सांगितले आहे. त्यामुळे राज्यात आतापर्यंत कोरोनामुळे ९,३७० लोकांचा बळी गेला आहे. राज्यात आयसीयूमध्ये ८४१ रुग्णांवर उपचार सुरू आहेत.
राज्यात गेल्या २४ तासांत एकूण ६७,३०३ नमुन्यांची चाचणी घेण्यात आली असून त्यामध्ये २५७७०० जलद प्रतिजैविक आणि ४१५३३ आरटी-पीसीआर चाचण्यांचा समावेश आहे. आतापर्यंत एकूण ५३,२७,४६३ लोकांची तपासणी केली आहे.