नवी दिल्ली
काँग्रेस अध्यक्षा सोनिया गांधी यांच्या अध्यक्षतेखाली मंगळवार, 5 एप्रिल रोजी महत्त्वाची बैठक होणार आहे. अर्थसंकल्पीय अधिवेशनाच्या शेवटच्या टप्प्यातील रणनितीवर चर्चा करण्यासाठी ही काँग्रेस संसदीय पक्षाची बैठक होणार आहे. पक्षाच्या सर्व महत्त्वाच्या नेत्यांना सकाळी साडेनऊ वाजता बैठकीसाठी उपस्थित राहण्याची सूचना करण्यात आली आहे. संसदेच्या अर्थसंकल्पीय अधिवेशनाच्या दुसऱया सत्राचा शेवटचा आठवडा सोमवारपासून सुरु झाला आहे. या शेवटच्या आठवडय़ात कोणत्या मुद्यावर चर्चा करायची, कोणत्या मुद्यावरुन सरकारला घेरायचे यासंदर्भात विरोधक रणनिती आखणार आहेत. तसेच पक्षीय पातळीवरील काही मुद्दय़ांवरही चर्चा हाणार असल्याचे सांगण्यात आले.