बेंगळूर/प्रतिनिधी
कर्नाटकातील २०२३ च्या विधानसभा निवडणुकांवर डोळे लावून, काँग्रेस किमान एक वर्षापूर्वीच आपले उमेदवार जाहीर करण्याची योजना आखत आहे, मुख्यत: ज्या मतदारसंघांमध्ये २०१८ च्या मागील निवडणुकीत जे उमेदवार पराभूत झाले होते, त्यांच्यावर लक्ष केंद्रित केलं जाणार आहे.
कर्नाटक प्रदेश काँग्रेस कमिटीचे (केपीसीसी) कार्यकारी अध्यक्ष सलीम अहमद म्हणाले, “उमेदवारांची आगाऊ घोषणा केल्याने काँग्रेस पक्ष आणि उमेदवारांना मतदारसंघ आणि तेथील लोकांच्या समस्या समजून घेण्यासाठी आणि निवडणुकीसाठी काम करण्यास पुरेसा वेळ मिळेल.”
पक्षाच्या सूत्रांनी दिलेल्या माहितीनुसार, काही मतदारसंघात इच्छुकांनी पक्षाचे तिकीट मिळवण्यासाठी कामाला सुरुवात केली आहे. केपीसीसीचे कार्याध्यक्ष सतीश जारकीहोळी म्हणाले, “आम्ही राज्यातील पुढील निवडणुकीच्या एक वर्ष अगोदर पक्षाच्या उमेदवारांची घोषणा करण्याच्या विषयावर विविध पक्षांच्या व्यासपीठांवर चर्चा करत आहोत. हे आम्हाला पक्षातील विविध अंतर्गत समस्या आणि विविध नेत्यांमधील मतभेद दूर करण्यास मदत करेल. ”
दरम्यान, २०२३ च्या निवडणुकीला जरी वेळ असलात तरी डोळ्यासमोर ठेऊन कोणत्याही परिस्थितीत राज्यात सत्ता आणण्यासाठी काँग्रेस आतापासूनच कंबर कसून कमला लागली आहे.