प्रतिनिधी / काणकोण
कालपरवापर्यंत 1 कोरोनाबाधित असलेल्या काणकोण तालुक्यात 26 रोजी एकाच दिवशी 11 सक्रिय रुग्ण आढळले आहेत. त्यातील 5 रुग्ण आगेंद पंचायत क्षेत्र, 3 गावडोंगरी, तर 3 नगरपालिका क्षेत्रातील आहेत. दुसऱया बाजूने, कोविड महामारीच्या काळात आघाडीवर राहून काणकोण तालुक्यातील ज्या सरकारी व अन्य कर्मचाऱयांनी महत्त्वाची भूमिका बजावली होती त्या कर्मचाऱयांना कोविड प्रतिबंधक लस देण्याचा कार्यक्रम चालू करण्यात आला असून दोन दिवसांत या तालुक्यातील नगरपालिका, पोलीस आणि अन्य खात्यांमधील कर्मचाऱयांना ही लस देण्यात आली आहे. याकामी डॉ. स्नेहा चोडणकर, डॉ. क्लेसा, परिचारिका वर्षा आणि नीना यांनी सहकार्य केले.