विमा नियामक संस्था व विकास प्राधिकरणाची माहिती
वृत्तसंस्था /नवी दिल्ली
कारसाठी तीन तर दुचाकीसाठी पाच वर्षांसाठी इन्शुरन्स संरक्षण देण्यात येणार असून यासाठीचा प्रस्ताव सादर केला असल्याची माहिती विमा नियामक संस्था व विकास प्राधिकरण इरडा यांनी दिली आहे.
सदरच्या प्रस्तावामुळे ग्राहकांना व्यापक स्वरुपात सेवा उपलब्ध होणार असल्याचेही सांगितले आहे. ‘मोटार थर्डपार्टी इन्शुरन्स आणि सेल्फ डॅमेज इन्शुरन्स ’ या दोन्हीसाठी संरक्षण देणारे दीर्घकालीन मोटार उत्पादनाचा प्रस्ताव तयार केला आहे. यामध्ये सर्व सामान्य विमा कंपन्यांना खाजगी कारच्या संदर्भात तीन वर्षांच्या विमा पॉलिसीसह सह-टर्मिनस ऑफर करण्याची आणि दुचाकींसाठी पाच वर्षांची मोटर थर्ड पार्टी लायबिलिटी कव्हर देण्याचाही प्रस्ताव आहे.