बेळगाव : काहेर विद्यापीठाच्या डॉ. प्रभाकर कोरे बेसिक सायन्स रिसर्च सेंटरतर्फे ‘रेग्युलेटरी कंप्लायन्स ऍण्ड लॅबोरेटरी प्रॅक्टिसीस’ या विषयावर वेबिनार घेण्यात आले. या वेबिनारमध्ये प्रयोगशाळेतील कामकाजाची गुणवत्ता, उत्पादन गुणवत्ता, दर्जा सुरक्षितता यावर चर्चा करण्यात आली. डॉ. रमेश परांजपे, डॉ. शामकुमार व डॉ. श्रीनिवास पाटील यांनी या विषयावर माहिती दिली. कुलगुरु डॉ. विवेक सावजी यांनी वेबिनारचे उद्घाटन केले. तसेच देशाच्या विकासात संशोधन प्रक्रिया महत्त्वाची आहे, असे सांगितले. कुलसचिव डॉ. व्ही. ए. कोठीवाले यांनी सुक्ष्म पातळीवर होणाऱया संशोधनाचे महत्त्व स्पष्ट केले. डॉ. अनिता देसाई यांनी ऍक्रिडेशन प्रक्रियेबद्दल मार्गदर्शन केले. डॉ. सुनील दोडमनी यांनी वेबिनारचा हेतू स्पष्ट केला. याप्रसंगी डॉ. सत्वीर जगवानी, डॉ. रिथीहा उप्पीन, धनश्री पाटील, डॉ. अभिजित भटकळ, गीतांजली मास्तीहोळीमठ, डॉ. वाणीश्री बुबनाळे आदी उपस्थित होते. कर्नाटक, महाराष्ट्र व गोवा येथील 90 हून अधिक प्रतिनिधींनी यामध्ये सहभाग घेतला. विद्यापीठाच्या संचालिका डॉ. सुनीता पाटील यांच्या उपस्थितीत वेबिनारचा समारोप झाला.
Previous Articleहृदयशस्त्रक्रियेसाठी मदतीचे आवाहन
Next Article वळीव पावसाचा हेस्कॉमला दणका
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.