प्रतिनिधी /बेळगाव
निंग्यानट्टी (ता. बेळगाव) येथील एका किराणा दुकानात बेकायदा दारू विकणाऱया दोघा जणांना काकती पोलिसांनी बुधवारी अटक केली आहे. त्यांच्या जवळून दारूसाठा जप्त करण्यात आला आहे.
काकतीचे पोलीस निरीक्षक राघवेंद्र हळ्ळूर व त्यांच्या सहकाऱयांनी ही कारवाई केली आहे. किराणा दुकानात बेकायदा दारू विकण्यात येत असल्याची माहिती मिळताच अचानक छापा टाकून दोघा जणांना अटक करण्यात आली. त्यांच्याजवळून 14 हजार 860 रुपये किमतीची बेकायदा दारू जप्त करण्यात आली आहे. काकती पोलीस स्थानकात एफआयआर दाखल करण्यात आला असून पोलीस पुढील तपास करीत आहेत.