प्रतिनिधी/ सातारा
कोरेगाव तालुक्यातील धामणेर येथील रेल्वेस्टेशनच्या नजीक असलेल्या कृष्णाजी निंबाळकर यांच्या किराणा मालाच्या दुकानाला शुक्रवारी रात्री 12 च्या सुमारास आग लागली. शॉर्टसर्किटमुळे ही आग लागली असून आगीत सुदैवाने कोणतीही जीवितहानी झाली नाही.
दुकानात दिवाळी सणासाठी खरेदी केलेला किराणा माल, फर्निचर, मौल्यवान वस्तू, कागदपत्रे असे 15 लाख रुपयांच्या साहित्यांचे नुकसान झाले आहे. आगीमुळे मोठय़ा प्रमाणावर धूराचे लोट परिसरात निर्माण झाले होते.
अचानक आग लागल्याने हा प्रकार स्थानिक नागरिकांच्या निदर्शनास आला. अग्निग्नशमन दलाला माहिती कळवताच अग्निग्नशमन दल आणि पोलीस प्रशासन घटनास्थळी दाखल झाले. अग्निग्नशामक दलाकडून आग आटोक्यात आणली असून ऐन दिवाळीच्या तोंडावर किराणा दुकानाचे मोठय़ा प्रमाणात नुकसान झाल्याने हळहळ व्यक्त होत आहे.