ऑनलाईन टीम / सांगली :
कृषी राज्यमंत्री विश्वजीत कदम आज पूरग्रस्त भागाच्या पाहणीसाठी सांगली दौऱ्यावर होते. त्यांच्या ताफ्यातील पायलट गाडीला पलूस तालुक्यातील नागठाणेजवळ अपघात झाला. या अपघातात पायलट गाडीतील दोन पोलीस जखमी झाले असून, त्यांना आष्टे येथील रुग्णालयात दाखल करण्यात आले आहे.
कदम यांच्या ताफ्यातील पायलट गाडीने रस्त्यात आडव्या आलेल्या दुचाकीस्वाराला वाचविण्याचा प्रयत्न केला. त्यावेळी पोलिसांची ही पायलट गाडी स्लीप होऊन खांबावर आदळली. त्यानंतर ही गाडी पलटी झाली.