प्रतिनिधी / मिरज
कृष्णा नदीची खोली व रुंदी मोजण्यासाठी केंद्रीय जल आयोगाचे तज्ञ अधिकारी व कर्मचारी यांचे पथक रवाना झाले आहे.1 फेब्रुवारी ते 16 फेब्रुवारी या काळात अर्जुनवाडपासून अलमट्टी धरणापर्यंत सदरचे पथक कृष्णा नदीची खोली व रुंदी मोजणार आहे. भारतातील सर्वच नद्यांवर केंद्रीय जल आयोगाची केंद्रे आहेत.
2005 व 2019 च्या महापुराने पश्चिम महाराष्ट्रमध्ये महापुराचा हाहाकार माजला होता. त्या दृष्टीने नदीची खोली व रुंदीचे मोजमाप अंत्यत महत्वाचे आहे. या मोजमाप करण्याच्या तज्ञ पथकामध्ये प्रमुख कनिष्ठ अभियंता रुपेश कुमार यादव, कुरुंदवाडचे वर्क सरकार एन. जी. हिपिरे, अर्जुनवाडचे कुशल कार्य सहाय्यक उद्धव मगदूम, टाकवड्याचे एम. बी. कांबळे, नेज चे प्रकाश कुंभार, समडोळ चे माणिक चोगुले, एम. आर. नलवडे आणि चालक हरीश पवार यांचा या पथकामध्ये समावेश आहे.