चंदिगढ / वृत्तसंस्था
पंजाब काँग्रेसचे प्रमुख नवजोत सिद्धू यांनी गुरुवारी माजी मुख्यमंत्री कॅप्टन अमरिंदर सिंग यांच्यावर थेट हल्ला चढवला. अमरिंदर सिंग यांनी मुख्यमंत्र्यांच्या खुर्चीचा राजीनामा दिल्यानंतर आणि नवीन पक्ष स्थापनेची घोषणा केल्यानंतर सिद्धू यांनी प्रथमच कॅप्टनवर निशाणा साधला. अमरिंदर सिंग हे केंद्र सरकारने आणलेल्या नवीन कृषी सुधारणा कायद्यांचे शिल्पकार आणि निर्माते आहेत, असे ते म्हणाले. एक-दोन कॉर्पोरेट घरांच्या फायद्यासाठी त्यांनी पंजाबमधील शेतकरी, छोटे व्यापारी आणि मजुरांची नासधूस केली. त्यांनीच अंबानींना पंजाबच्या शेतीमध्ये आणले, असेही सिद्धू यांनी म्हटले आहे.