प्रतिनिधी /बेळगाव
शहराचा विकास करण्याच्या नावाखाली शहर भकास करण्याचा प्रयत्न मागील काही दिवसांपासून सुरू आहे. कॅम्प येथे चिकू वाटिकेच्या शेजारी अनेक जुनाट वृक्षांची तोड करण्यात आली. गरज नसतानाही वृक्षांची तोड केली जात असल्याने पर्यावरणप्रेमींमधून नाराजी व्यक्त करण्यात आली. स्मार्ट सिटीच्या नावाखाली शहरातील अनेक वृक्षांची यापूर्वी तोड करण्यात आली आहे. नागरिकांनी विरोध करूनही वृक्ष तोडण्यात आले. आता स्मार्ट सिटीसोबतच कॅन्टोन्मेंट बोर्डने वृक्षतोड करण्यास सुरूवात केली आहे. मिलिटरी महादेव मंदिरामागील बाजूस असणाऱया चिकू बागेशेजारी वृक्षांची शुक्रवारी तोड करण्यात आली. यामुळे पर्यावरणप्रेमींमधून नाराजी व्यक्त करण्यात येत आहे.