आतापर्यंत 115 रुग्णांवर उपचार
प्रतिनिधी /बेळगाव
केएलईएस डॉ. प्रभाकर कोरे हॉस्पिटलमध्ये ब्लॅक फंगसच्या पहिल्या रुग्णावर 5 मे 2021 रोजी शस्त्रक्रिया करण्यात आली. हॉस्पिटलचे ईएनटी तज्ञ डॉ. ए. एस. हारुगोप्प व नेत्रतज्ञ डॉ. अरविंद तेनगी यांनी अन्य डॉक्टरांच्या सहकार्याने ब्लॅक फंगसवर उपचार सुरू केले आहेत. आजपर्यंत 115 रुग्णांवर उपचार करण्यात आले आहेत.
याशिवाय 200 रुग्णांवर शस्त्रक्रिया करण्यात आली असून 3 ऑपरेशन थीएटरमध्ये सतत शस्त्रक्रिया सुरू आहेत. हॉस्पिटलचे कार्याध्यक्ष डॉ. प्रभाकर कोरे, काहेर विद्यापीठाचे कुलगुरु डॉ. विवेक सावजी, कुलसचिव डॉ. व्ही. ए. कोठीवाले, वैद्यकीय निरीक्षक डॉ. एम. व्ही. जाली, प्राचार्य एन. एस. महांतशेट्टी, वैद्यकीय निरीक्षक आरिफ मालदार यांनी सर्व सुविधा पुरविल्या आहेत. कोविडपूर्वी गेल्या दहा वर्षात हॉस्पिटलमध्ये ब्लॅक फंगसच्या 42 व यलो फंगसच्या 3 रुग्णांवर शस्त्रक्रिया करण्यात आल्या आहेत. कोविड-19 च्या दुसऱया लाटेत 115 जणांवर उपचार करण्यात आले. डॉ. हारुगोप्प यांच्यासमवेत डॉ. शमा बेल्लद, डॉ. डी. एस. पुनीत नायक, डॉ. प्रीती हजारे, डॉ. प्रीती शेट्टी रुग्णांवर उपचार करीत आहेत.