रत्नागिरी-सिंधुदुर्गातील विषाणुंवर शास्त्रज्ञांची नजर
प्रतिनिधी/ रत्नागिरी
कोकणातील रत्नागिरी व सिंधुदुर्ग या जिह्यात कोरानाचा वाढता प्रभाव लक्षात घेता डेल्टा प्लस व्हेरिएंटचे काही चिन्ह सापडते का, याची तपासणी करण्यात येत आह़े यासाठी कौन्सिल ऑफ सायंटिफिक अँड इंडस्ट्रियल रिसर्च-नॅशनल केमिकल लॅबोरेटरी (सीएसआयआर-एनसीएल) रत्नागिरी आणि सिंधुदुर्गमधील कोविड नमुन्यांचा अभ्यास करीत आहे.
लॉकडाऊन कालावधीतही रत्नागिरी आणि सिंधुदुर्ग जिल्हय़ात कोरोनाचा प्रसार नियंत्रणात येऊ शकलेला नाही. दिवसेंदिवस कोरोनाबाधितांसह कोरोना मृत्यूचेही प्रमाण वाढतच आहे. या पार्श्वभूमीवर या परिसरात डेल्टा प्लस व्हेरिएंटचे काही गुणधर्म आहेत का, याची तपासणी करण्यात येत आहे. डेल्टा प्रकार केवळ भारतच नाही तर अन्य काही देशातही धुमाकूळ घालत आहे. या व्हायरसने आता स्वतःमध्ये आणखी बदल घडवून आणून ’डेल्टा प्लस’ किंवा एराय 1 प्रकार बनवला आहे. एसएआरएस-सीओव्ही-2 मधील डेल्टा प्रकार अत्यंत संक्रमणीय मानले गेला आह़े या प्रकाराबात चिंता व्यक्त होत असतानाच भारतातील शास्त्रज्ञांनी देशात अजूनही त्याचे प्रमाण खूप कमी असून याबात त्वरीत चिंता करण्याचे कोणतेही कारण नसल्याचे म्हटले आहे.
नवीन डेल्टा प्लस व्हेरियंटची निर्मिती डेल्टा किंवा बी 1.617.2 रूपात झालेल्या उत्परिवर्तनामुळे झाली आहे. हा प्रथम भारतात ओळखला गेला आणि प्राणघातक दुसऱया लाटेमध्ये त्याचा मोठा वाटा होता. नुकत्याच आलेल्या अहवालात म्हटले आहे की, डेल्टा प्लस भारतात नुकत्याच अधिकृत झालेल्या कोविड -19 साठी मोनोक्लोनल ऍन्टीबॉडी कॉकटेल उपचारांना प्रतिरोधक आहे.
जीनोमिक सिक्वेंन्समध्ये तज्ञ असलेल्या वैज्ञानिक, बानी जॉली यांनी ट्विटरवर म्हटले आहे की, डेल्टाचे (बी. 1.617.2) स्पाईक उत्परिवर्तन के 417 एन असलेले अनेक अनुक्रम जीआयएसआयडीवर आढळू शकतात. जॉली जोडले की, ‘अनुक्रम अलिकडेच वंश एराय 1 (बी.1.617.2.1) म्हणून डेल्टाचे एक उपकेंद्र म्हणून नियुक्त केले गेले आहे. के 417 बीटा व्हेरियंट (बी.1.351) मध्ये सापडलेल्या उत्परिवर्तनांपैकी एक आहे.
प्रभावीत होण्याची शक्यता कमी
भारतीय विज्ञान शिक्षण व संशोधन संस्थेच्या पुणे येथील अतिथी प्राध्यापक बाळ यांनी सांगितले की, रोगजनकांपासून पेशींच्या बचावासाठी जबाबदार असणाऱया प्रतिपिंडाची गुणवत्ता व प्रमाण कमी प्रमाणात बदलल्यामुळे या प्रकाराने मोठय़ा प्रमाणात प्रभावित होण्याची शक्यता कमी आहे.
लसीकरण केलेल्या लोकांकडून प्लाझ्माची चाचणी घ्यावी लागेल
सीएसआयआर-आयजीआयबीचे संचालक, पल्मोनोलॉजिस्ट अनुराग अग्रवाल यांनीही सांगितले की, भारतात आतापर्यंत नवीन बदल झाल्यामुळे विषाणुमुळे चिंतेचे कोणतेही कारण नाही. ते म्हणाले की, संपूर्ण लसीकरण केलेल्या व्यक्तींच्या रक्ताच्या प्लाझ्माची तपासणी शरीराच्या रोगप्रतिकारक प्रतिक्रियेतून काही महत्वपूर्ण सुटका आहे की नाही, हे ठरवण्यासाठी डेल्टा प्लस व्हेरियंटविरूद्ध चाचणी घ्यावी लागणार आह़े