वृत्तसंस्था/ लंडन
ब्रिटनच्या जोहाना कोन्टाने शिकागो व इंडियन वेल्स येथे होणाऱया डब्ल्यूटीए स्पर्धांतून माघार घेतली आहे. धोंडशिरेच्या दुखापतीमुळे तिने हा निर्णय घेतला आहे. याच कारणासाठी तिने अमेरिकन ओपनमध्येही भाग घेतला नव्हता, असे ब्रिटिश मीडियाने वृत्त दिले आहे.
गेल्या जूनमध्येही विम्बल्डन सुरू होण्याच्या आदल्या दिवशीच कोन्टाने त्यातून माघार घेतली होती. पण त्यावेळी तिच्या घरातील एक सदस्य कोरोना पॉझिटिव्ह आल्याने तो निर्णय घेतला होता. पुढे तिला स्वतालाच कोरोनाची लागण झाल्याने तिची टोकियो ऑलिम्पिक स्पर्धा हुकली होती. गेल्या महिन्यात तिने सिनसिनॅटीमधील स्पर्धेत शेवटचा सामना खेळला होता. त्या स्पर्धेत तिला पहिल्याच फेरीत झेकच्या कॅरोलिना मुचोव्हाने हरविले होते. शिकागोतील स्पर्धा पुढील आठवडय़ात आणि त्यापुढील आठवडय़ात इंडियन वेल्समधील स्पर्धा होणार आहे.