सेऊल
कोरियन एफए चषक फुटबॉल स्पर्धेला 9 मे पासून प्रारंभ केला जाणार आहे. 2020 च्या फुटबॉल हंगामाला के लीग फुटबॉल स्पर्धेने 8 मे पासून सुरूवात होत आहे. कोरोना महामारीमुळे कोरियातील फुटबॉल हंगामाला विलंब झाल्याचे कोरियन फुटबॉल संघटनेतर्फे सांगण्यात आले. कोरियन एफए चषक फुटबॉल स्पर्धा यापूर्वी 14 मार्च रोजी होणार होती. या स्पर्धेतील प्राथमिक फेऱयातील काही सामने प्रेक्षकविना खेळविले जाणार आहेत.
पहिल्या फेरीत 32 संघांचा समावेश राहील. कोरियन एफए चषक फुटबॉल स्पर्धेतील उपांत्यपूर्व फेरीचे सामने 29 जुलैपासून तर उपांत्य फेरीचे सामने 28 ऑक्टोबर रोजी घेतले जातील. कोरोना व्हायरस महामारी नियंत्रणाखाली आणण्यामध्ये यश मिळविणारा दक्षिण कोरिया पहिला देश आहे.