नवी दिल्ली
हवाई उद्योगात नाव कमावलेल्या इंडिगोला कोरोनाचा चांगलाच फटका बसला आहे. तिसऱया तिमाहीअखेर जाहीर झालेल्या निकालात इंडिगोला तब्बल 620 कोटी रुपयांचा तोटा सहन करावा लागला आहे. विमान वाहतुकीवर होणारा परिणाम कंपनीसाठी नुकसानीचा ठरतो आहे. याउलट मागच्या वर्षी समान कालावधीत कंपनीने 496 कोटींचा नफा कमावला होता. तिसऱया तिमाहीत कंपनीने विमानातील प्रवाशांची मर्यादीत संख्या 40 टक्के इतकीच ठेवली होती. कमी प्रवाशांच्या संख्येचा परिणाम कंपनीच्या नफ्यावर जाणवला आहे. कंपनीचे एकूण उत्पन्न 5 हजार 142 कोटी रुपयांवर पोहचले आहे. मागच्या वर्षाच्या तुलनेत उत्पन्नात 50 टक्के इतकी घट दिसली आहे.