ऑनलाईन टीम / चंदीगड :
कोरोनाचा वाढता प्रादुर्भाव लक्षात घेत देशातील अनेक राज्यात विकेंड लॉकडाऊन जारी करण्यात आला आहे. या लिस्टमध्ये आता चंदीगडचे नाव देखील जोडले गेले आहे. चंदीगड प्रशासनाने शनिवारी आणि रविवारी लॉकडाऊनचा निर्णय घेतला आहे.
या लॉकडाऊनची सुरुवात शुक्रवारी रात्री म्हणजेच आज रात्री 10 वाजल्यापासून होणार असून सोमवारी सकाळी 5 वाजेपर्यंत चालू राहील. या दरम्यान नागरिकांना घराबाहेर पडण्यास मनाई असेल. यासोबत बाजार देखील बंद ठेवले जाणार असून केवळ आवश्यक सेवांमधील दुकाने सुरू ठेवण्यास परवानगी देण्यात आली आहे.
दरम्यान, सद्य स्थितीत चंदीगडमध्ये कोरोना रुग्णांची एकूण संख्या 32,397 इतकी असून सद्य स्थितीत 3,371 रुग्णांवर उपचार सुरू आहेत. तर आतापर्यंत 407 जणांचा कोरोनामुळेे मृत्यू झाला आहे. तर 1.29 नागरिकांनी कोरोनाची लस टोचून घेतली आहे. चंदीगडपूर्वी पूर्ण पंजाबमध्ये देखील कोरोनाच्या वाढत्या प्रभावामुळे नाईट कर्फ्यू लावण्यात आला आहे.