तरुण भारत संवाद प्रतिनिधी/बार्शी
कोरोना विषाणूचा प्रादुर्भाव बार्शी शहरांमध्ये पसरत असताना आज सकाळी शहरातील सुभाष नगर भागात गणेश तलाव या तलावात कोरोनाच्या भीतीने एका विवाहित महिलेने आत्महत्या केली असल्याचा प्रकार उघडकीस आला. ही महिला लहुजी वस्ताद चौक या भागातील राहणारी असून तिचे नाव लक्ष्मी बगाडे असे ( वय 45) असे आहे.
बगाडे यांच्या भावकितील एका व्यक्तीचा कोरोनाने काल मृत्यू झाला होता. त्यानंतर या महिलेने कोरोना या रोगाची भिती घेतली होती. काल दिनांक अकरा रोजी ती महिला आपल्या माहेरी म्हैसगाव येथे जाण्यासाठी चालत निघाली होती. तिने खांडवी या गावापर्यंत चालत गेल्या नंतर तिच्या पतीने तिला समजावून घरी आणले होते मात्र तिच्या मनात कोरोना विषयी प्रचंड भीती निर्माण झाली होती. या भीतीतून आणि नैराश्यातून ही आत्महत्या केली असावी असा अशी माहिती तिच्या कुटुंबियांनी दिली.