बेंगळूर/प्रतिनिधी
कर्नाटकमध्ये कोरोना बाधितांची संख्या वाढतच चालली आहे. वाढती संख्या लक्षात घेता केंद्रीय आरोग्य मंत्रालयाच्या अधिकारी पथकाने मंगळवारी कर्नाटकचे मुख्यमंत्री बी. एस. येडियुरप्पा यांची बेंगळूरु येथे भेट घेतली. यावेळी त्यांनी राज्यातील कोरोना परिस्थितीचा आढावा घेतला.
यावेळी केंद्रीय पथकाने मुख्यमंत्री आणि राज्यातील अधिकाऱ्यांशी कोरोना परिस्थिती विषयी चर्चा केली. तसेच साथीच्या रोगासंदर्भात राज्याने दिलेल्या माहितीवरून कोरोना परिस्थिती नियंत्रणात आणण्यासाठी रणनीती बनविण्यासंदर्भात चर्चा चर्चाही केली.
यावेळी या बैठकीला केंद्राचे प्रतिनिधित्व करणारे, आरोग्य मंत्रालयाच्या अतिरिक्त सचिव आरती अहुजा, आपत्कालीन वैद्यकीय मदत विभागाचे संचालक डॉ. पी. रवींद्रन, कर्नाटकचे मुख्य सचिव टीएम विजय भास्कर, वैद्यकीय शिक्षण मंत्री सुधाकर के, आणि आरोग्य मंत्री बी. श्रीरामुलु आदी या बैठकीत सहभागी होते.