प्रतिनिधी / दापोली
दापोली शहरातील स्नेहदीप दापोली या संस्थेची कर्णबधिर शाळा कोरोना पश्चात प्रथमच मुलांनी गजबजली. कोरोना काळात ही शाळा बंद ठेवण्यात आली होती. शासनाने आदेश दिला नुसार 2 मार्च पासून ही शाळा पूर्व सुरू झाली आहे. आज 2 मार्च रोजी शाळेत दाखल झालेल्या मुलांचे संस्था संचालक व शिक्षक यांनी फुलांचा वर्षाव करून व आरती करून स्वागत केले. यावेळी सर्व विद्यार्थ्यांना फेटे देखील बांधण्यात आले होते. यावेळी नगरपंचायतीने विद्यार्थ्यांकरिता विनामूल्य दिलेल्या खेळण्यांच्या साहित्यांचे देखील कर्णबधिर विद्यार्थ्यांच्या हस्ते उद्घाटन करण्यात आले.
यावेळी संस्थेच्या अध्यक्षा नीलांबरी अधिकारी, शुभांगी गांधी, सुहासिनी कोपरकर, स्मिता सुर्वे, दिनेश जैन, मनोहर जैन, नंदकिशोर भागवत, संगीता तलाठी, यांच्यासह माधुरी मादुसकर, मनोहर जालगावकर, सूर्यकांत खेडेकर, संपदा बडबे, धोंडीबा राठोड, श्रद्धा गोविलकर, बंडू कौरे आदी शिक्षक व कला शिक्षक उपस्थित होते.