ऑनलाईन टीम / मुंबई :
महाराष्ट्रात दिवसेंदिवस कोरोना रुग्णांची संख्या वेगाने वाढतच आहे. मागील 24 तासात 16,429 नवे कोरोनाबाधित रुग्ण आढळून आले. तर 423 रुग्णांचा मृत्यू झाला. त्यामुळे राज्यातील एकूण कोरोना बाधितांची संख्या 9 लाख 23 हजार 641 वर पोहचली आहे. तर मृतांचा एकूण आकडा 27 हजार 027 एवढा आहे. त्यामुळे राज्यात चिंताजनक परिस्थिती निर्माण झाली आहे.
काल दिवसभरात 14,922 रुग्ण कोरोनामुक्त झाले. राज्यात आतापर्यंत 6 लाख 59 हजार 322 रुग्ण कोरोनामुक्त झाले असून, त्यांना डिस्चार्ज देण्यात आला आहे. सध्या 2 लाख 36 हजार 934 रुग्ण उपचार घेत आहेत.
राज्यातील कोरोना रुग्ण बरे होण्याचे प्रमाण सध्या 71.38 % आहे. तर मृत्यू दर 2.93 % इतका आहे. सध्या राज्यात 15 लाख 17 हजार 066 लोक होम क्वारंटाईनमध्ये असून, 38 हजार 9 लोक संस्थात्मक क्वारंटाईनमध्ये आहेत.
- शहरे ॲक्टिव्ह रुग्ण संख्या
- मुंबई : 24,150
- ठाणे : 25, 703
- पुणे : 61,781
- नाशिक : 9,676
- नागपूर : 17,088