प्रतिनिधी/ बेंगळूर
बेंगळूरमधील पादरायनपूर येथील कोरोनाच्या संशयित रुग्णांना क्वारंटाईन करण्यासाठी गेलेल्या कोरोना योद्धय़ांवर जमावाने हल्ला केला होता. या घटनेप्रकरणी 100 हून अधिक जणांना अटक करून रामनगर जिल्हा कारागृहात हलविण्यात आले होते. त्यांची स्क्रिनिंग तपासणी केली असता पाच जणांना कोरोना झाल्याचे आढळले आहे. खळबळ उडाली आहे.
पादरायनपूर येथे 11 पेक्षा अधिक जण कोरोनाबाधित असल्यामुळे हा वॉर्ड सीलडाऊन करण्यात आला होता. येथील संशयित रुग्णांना क्वारंटाईन करण्यासाठी रविवारी रात्री 10.45 च्या सुमारास गेलेल्या आरोग्य कर्मचारी, आशा कार्यकर्त्या व पोलिसांवर 200 पेक्षा अधिक जणांनी हल्ला केला होता. या प्रकरणी 100 हून अधिक जणांना अटक करून ग्रीन झोन असलेल्या रामनगर जिल्हा कारागृहात हलविण्यात आले होते. त्यांना पुन्हा बेंगळुरात आणण्यात आले आहे. दरम्यान, पादरायनपूरच्या 5 हल्लेखोरांचे अहवाल पॉझिटिव्ह आल्याने खळबळ उडाली आहे.