बेंगळूर/प्रतिनिधी
कर्नाटकमध्ये कोरोना काळात सेवा बजावताना प्राण गमावलेल्या योद्ध्यांच्या सन्मानार्थ एक स्मारक (कोविड वॉरियर मेमोरियल) बांधले जात आहे. डॉक्टर आणि पॅरामेडिकल कर्मचार्यांच्या सन्मानार्थ बेंगळूरमध्ये त्याचे पहिले भव्य कोविड योद्धा स्मारक बांधण्याचे काम सुरु आहे. या स्मारकाच्या कामाचा कर्नाटकचे आरोग्य व वैद्यकीय शिक्षणमंत्री के. सुधाकर यांनी आढावा घेतला.
दरम्यान, आरोग्यमंत्र्यांनी शुक्रवारी राज्यातील महामारीमुळे आपला जीव गमावलेल्या ‘कोरोना वॉरियर्स’च्या प्रस्तावित स्मारकाच्या उभारणीवर शुक्रवारी चर्चा केली. “स्मारक हे आमच्या ‘कोरोना वॉरियर्स’च्या निस्वार्थ सेवेसाठी आदरांजली ठरेल आणि ते सर्व तरुण डॉक्टर आणि आरोग्यसेवा व्यावसायिकांसाठी प्रेरणास्रोत ठरेल,’ असे त्यांनी या विभागाच्या उच्च अधिकाऱ्यांशी झालेल्या बैठकीनंतर सांगितले.