प्रतिनिधी / कोल्हापूर
कोल्हापूर जिल्हा सहकारी दूध उत्पादक संघाच्या चेअरमनपदी विश्वास नारायण पाटील उर्फ आबाजी यांची निवड निश्चित झाली आहे. दुपारी बारा वाजता ताराबाई पार्क येथील कार्यालयात सर्व संचालकांची बैठक झाली. या बैठकीत पालकमंत्री सतेज पाटील आणि ग्रामविकास मंत्री हसन मुश्रीफ यांचा निरोप संचालकांना दिला त्यानंतर सर्व संचालक गोकुळ शिरगाव येथील बैठकीकडे रवाना झाले. दुपारी एक वाजता अधिकृत घोषणा होणार आहे.