महाविकास आघाडीसह भाजपचे नेत्यांमध्ये चर्चा : कोल्हापुरातील शासकीय विश्रामगृहात बैठक सुरु
प्रतिनिधी / कोल्हापूर
कोल्हापूर जिल्हा बँकेवर कोण अध्यक्ष होणार हे चित्र आज स्पष्ट होणार आहे. जिल्हा बँक अध्यक्षनिवडीबाबत कोल्हापुरातील शासकीय विश्रामगृहात बैठकीला सुरवात झाली आहे. या बैठकीला ग्रामविकासमंत्री हसन मुश्रीफ, पालकमंत्री सतेज पाटील, आरोग्यराज्यमंत्री राजेंद्र पाटील-यड्रावकर, आमदार पी. एन. पाटील, आमदार राजीव आवळे, आमदार राजेश पाटील, नूतन संचालक माजी खासदार निवेदिता माने, रणजीत सिंह गायकवाड, ए. वाय. पाटील, श्रुतिका काटकर यांच्यासह अन्य संचालक उपस्थित आहेत.
या बैठकीत ग्राम विकासमंत्री हसन मुश्रीफ हे पुन्हा एकदा जिल्हा बँकेवर अध्यक्ष होण्याची शक्यता आहे. त्यांच्या नावावर आज शिक्कामोर्तब केला जाण्याचीही शक्यता आहे. तर जिल्हा बँकेचे उपाध्यक्षपद हे काँग्रेसला मिळण्याची शक्यता वर्तवली जात आहे.