ऑनलाईन टीम / कोल्हापूर
कोल्हापूर जिल्ह्यातील सर्वच लसीकरण केंद्रांची लसीकरण वेळ वाढवण्याचा निर्णय जिल्हा प्रशासनाने घेतला आहे. त्यामुळे आता शहराबरोबरच ग्रामीण भागातील केंद्रांवर देखील सकाळी सात ते संध्याकाळी दहा या वेळेत लोकांचा लसीकरण होणार आहे.ओमिक्रॉन आणि कोरोनाच्या तिसऱ्या संभाव्य लाटेमुळे कोल्हापूर जिल्ह्यात गेल्या काही दिवसापासून लसीकरणासाठी पुन्हा एकदा नागरिकांची गर्दी होते आहे. या पार्श्वभूमीवर हा महत्त्वाचा निर्णय घेण्यात आला आहे. असे जिल्हाधिकारी राहूल रेखावार यांनी स्पष्ट केले.
गेल्या काही दिवसांपूर्वी दिवसाला पाच ते दहा हजारांपर्यंत आलेला लसीकरणाचा वेग पुन्हा 40 हजारांवर गेल्याची माहिती जिल्हाधिकारी राहुल रेखावार यांनी यावेळी दिली आहे. दरम्यान ओमिक्रॉनच्या पार्श्वभूमीवर राज्यसीमांवर प्रवाशांची तपासणी केली जात असल्याचे देखील त्यांनी म्हटले आहे.