प्रतिनिधी/कोल्हापूर
कोल्हापूर जिल्हाधिकारी कार्यालयामध्ये कोरोनाचा शिरकाव दिवसेंदिवस वाढत चालला आहे. आठ ते दहा दिवसांपूर्वी जिल्हा पुरवठा विभागातील एक कर्मचारी कोरोना पॉझीटिव्ह सापडला होता. तर आज, शनिवारी निवासी उपजिल्हाधिकाऱ्यांच्या चालकालाच कोरोनाची लागण झाल्याचे स्पष्ट झाले आहे. त्यामुळे निवासी उपजिल्हाधिकारी,त्यांचे दोन लिपीक, दोन शिपाई हे क्वारंटाईन झाले आहेत. गेल्या दहा दिवसात ही दुसरी घटना घडल्यामुळे जिल्हाधिकारी कार्यालयात खळबळ उडाली आहे.